соғыс қылмыскерлері

(Военные преступники)

бейбітшілік пен адамзатқа қарсы қылмыс жасаушы адамдар. Қылмыс түрлері: зорлық, тонаушылық, соғыс-тұтқындарын өлтіру, бейбіт халықты қыру, газ және бактериологиялық соғыс жүргізу, атом қаруын қолдану. 1943 ж. 30 қазанда Екінші дүниежүзілік соғыста қылмыс жасаған С.қ-н жауапқа тарту жөнінде Мәскеу декларациясы қабылданды. 1945 ж. 8 тамызда Лондонда КСРО, АҚШ, Англия үкіметтері және Францияның уақытша үкіметі Екінші дүниежүзілік соғыстың басты қылмыскерлерін жазалау жөніндегі келіссөзге қол қойды. Нюрнберг пен Иокиодағы халықаралық әскери трибунал басты С.қ-н жауапқа тартты. Ленинград, Смоленск, Харьков, Краснодар және басқа да қалаларда С.қ-не сот құрылды. БҰҰ Бас Ассамблеясы 1968 ж. 26 қарашада С.қ-нің қылмыс жасаған мерзімі өтіп кеткенімен, олардың адамзатқа қарсы қылмыстары жазаланбай қоймайтыны жөнінде конвенция қабылдады.